Tuahiwi

Iwi
Iwi

Kāti Mamoe

Ngāi Tahu

Te Ngāi o Tūāhuriri Rūnanga

Waitaha
Hapū

Ngāi Tūāhuriri
Waka

Takitimu
District

Te Waipounamu

Kai waekanui i Rangiora me Kaiapoi e tū ana te marae o Tuahiwi, ki te taha whakararo o Ōtautahi. Ko Tuahiwi te kāika o te hapū o Ngāi Tūāhuriri o Ngāi Tahu. Ko te ikoa o te whare hou, ko Maahunui II, ā, i whakatūwheratia i te 1 o Waru i te tau 2012. Ko te āhua o te mahau me kā amo o te whare e pērā ana ki kā āhuataka o kā whare tūpuna e mōhiotia whānuitia, hēoti ano ehara tēnei i te whare whakairo.

E tū ana te whare nei i te wāhi tonu i tū ai te whare tupuna o Tū-te-Kawa i mua i tōna tahunataka i te tau 1872. I ahu mai te ikoa o Maahunui i te waka tupuna o Māui-tikitiki-a-Te-Raka. Ko ētahi o kā tūtohu whenua o Ngāi Tūāhuriri ko te mauka o Maungatere, ko Kā Tiritiri te Moana (Southern Alps) me Kā Kōhatu Whakarakaraka o Tamatea Pōkai Whenua, arā ko kā Port Hills.