Te Kooraha

Iwi

Te Ruunanga o Ngaati Mahuta ki te Hauaauru.
Hapū
Hapū

Ngaati Mahuta ki te Hauaauru

Ngaati Rangitaka
Waka

Tainui
District

Waikato - Maniapoto

E noho whakaruruhau ana i te taha tonga o te whanga o Kaawhia, i teetehi kooawaawa whakamaru, he whenua nui whakaharahara, he whenua whakapapa, he whenua motuhake, he whenua haumako, ko te mana whenua o te whaitua raaraa, ko te Marae o Te Kooraha.

Ko Oorangiwhao te maunga, ko Te Kooraha me Mitiwai ngaa awa, ko Te Oohaakii te wharenui, ko Te Arohanui te wharekai, ko Tuuranga te tuupuna, ko te Tahaaroa a Ruapuutahanga te rohe, ko Ngaati Mahuta ki te Hauaauru me Ngaati Rangitaka ngaa hapuu, ko Waikato te iwi, paimaarire.

He mauri too te Marae o Te Kooraha, he waahi tapu ka purea ngaa uri e te hau, ka koomuhungia ngaa koorero tuupuna e te one pango, aa, ka whakatinanangia te manaakitanga e te iwi kaainga. He waahi haumaru e rangitaamiro ana i ngaa aahuatanga o te ao oo nehe ki te ao oo naaia. Ka poupoua ki te whatumanawa o te hunga e kuhu mai ana i te waharoa o te marae.