Manutuke

Iwi

Rongowhakaata
Hapū
Hapū

Ngāi Te Aweawe

Ngāti Kaipoho
Waka
Waka

Horouta

Takitimu
District

Te Tai Rawhiti

Kei te tāone o Manutuke, 14 kiromita ki te rāwhiti o Tūranga, te marae o Manutuke. Nō ngā hapū o Ngāti Kaipoho me Ngāti Te Aweawe o te iwi o Rongowhakaata.

Nō te tau 1913 ka whakaritea e Ōtene Pītau, tamaiti whāngai a Rukupō kia nekehia te whare o Te Poho o Epeha, wharenui o Ngāti Te Aweawe, mai i Umukapua ki konei; me ngā whare hoki o Ngāti Kaipoho, a Te Poho o Rukupō me Te Poho o Hinehou, mai i te marae o Pākirikiri. He nui ngā whānau i takatū mai ki te tō i ngā wharenui mā te okiha me te rango(poro rākau). Ko Te Poho o Rukupō tētahi o ngā wharenui tawhito o te rohe o Tūranganui ā-Kiwa, nā Pera Tawhiti i tīmata, ā ka oti i te tau 1878, whā tau i muri mai i tōna matenga.

Nō te hokinga mai o ngā hoia i Te Pakanga Tuarua o te Ao, ka whakaingoatia anō te wharekai a Te Poho o Hinehou ki 'Māori Battalion', hei whakanui i te hunga i haere ki te pakanga. Ko ōna herenga kōrero, ko Takitimu me Horouta te waka, ko Manawarū te maunga, ko Te Ārai te awa.