Korohe

Iwi

Ngāti Tūwharetoa
Hapū

Ngāti Hine (Ngāti Tūwharetoa)
Waka

Te Arawa
District

Waiariki

E tū ana a Korohe marae e 7 kiromita ki te raki o Tūrangi. Ko Ngāti Hine te hapū matua, nō Ngāti Tūwharetoa.

Ko Rereao te wharenui; i hangaia i te takiwā o te 1909, i tapaina ki te ingoa o te mokopuna a Tūwharetoa. Ko Hinekura te whare ora, i tapaina ki te ingoa o te mokopuna a Rereao. Ko Te Arawa te waka, ko Matauhipo te maunga, ko Waimarino te awa, ko Taupō te roto.

I mōhiotia te papa kāinga ko Te Paetutu ā, i tū ki te wahapū o te awa o Waimarino me te roto o Taupō. Nō muri mai ka nukuhia te marae ki tuawhenua ki tētehi wāhi e kīia ana ko Te Roringa. I te takiwā o te 1866 ka whakatūngia he whare karakia ki taua wāhi e tētehi mihingare, ka tapaina ko Korohe; i ahu mai tērā ingoa i te Paipera, arā, ko te ‘Colossian’. Mai i taua wā ka mōhiotia tēnei kāinga, tēnei tūrangawaewae o Ngāti Hine ko Korohe.

Nā te mea i whakatūngia te pā o Ngāti Hine ki te mānia ā, he nui te tūpono ka waipukengia e te awa o Waimarino, i te tīmatanga o te rautau 20 ka nukuhia te kāinga ki te wāhi e tū nei ia ā mohoa nei.